Sun’iy urug‘lantirish (inseminatsiya)

EKO Sun’iy urug‘lantirish (inseminatsiya) haqida gap ketganda, ko‘pchilik uni EKO bilan bir xil deb o‘ylaydi. Aslida esa bu ikki usul bir-biridan ancha farq qiladi.

Inseminatsiya nima — bu maxsus tayyorlangan urug‘ hujayralarini ayolning bachadon bo‘shlig‘iga yuborish jarayoni. Urug‘lanish esa ayol organizmida, tabiiy ravishda sodir bo‘ladi.

EKO (Ekstrakorporal urug‘lantirish) da esa tuxum hujayra va urug‘ hujayra laboratoriya sharoitida birlashtiriladi. Hosil bo‘lgan embrion keyinchalik bachadonga ko‘chiriladi.

Shuning uchun inseminatsiya nisbatan sodda va kam invaziv usul hisoblanadi. EKO esa murakkabroq bosqichlarni o‘z ichiga oladi va ayrim holatlarda muvaffaqiyat ehtimoli yuqoriroq bo‘lishi mumkin.

Qaysi usul sizga mos kelishi esa yosh, analizlar natijasi, bepushtlik sababi va boshqa omillarga bog‘liq.

Ko‘pincha bemorlar: “Inseminatsiyaning foizi kam bo‘lsa, nega shifokorlar tavsiya qilishadi?” deb so‘rashadi.

Javob oddiy: har bir juftlikka darhol EKO kerak bo‘lavermaydi. Agar inseminatsiya uchun ko‘rsatmalar bo‘lsa, bu usul bilan ham homiladorlikka erishish mumkin. Shuning uchun davolash odatda oddiyroq usullardan boshlanadi.

📨 Manba: Telegram: @eko_iksi_clinic