🧬 SPERMATORREYA NIMA?
Spermatorreya — jinsiy qo'zg'alish yoki jinsiy aloqa bilan bog'liq bo'lmagan holda urug' suyuqligining ixtiyorsiz ajralib chiqishi. Bu holat kechasi (uyqu davomida), siyish yoki defekatsiya paytida kuzatilishi mumkin va tungi ehtilomdan farqli o'laroq, uyg'oq holatda ham yuz berishi mumkin.
⚠️ Bunga nimalar sabab bo'lishi mumkin?
- Prostata va siydik-jinsiy tizimdagi yallig'lanishlar
- Infeksiyalar
- Urug' yo'llari bilan bog'liq muammolar
- Asab tizimi faoliyatidagi ayrim buzilishlar
Gormonal omillar ham rol o'ynashi mumkinmi?
Ha. Testosteron darajasining pasayishi, prolaktin ko'tarilishi yoki qalqonsimon bez faoliyatidagi buzilishlar reproduktiv tizimni boshqaruvchi gormonal muvozanatga ta'sir qilib, ejakulatsiya nazoratini izdan chiqarishi mumkin. Shu sababli tashxis jarayonida gormonal tahlillar ham muhim o'rin tutadi.
🩺 Qachon shifokorga murojaat qilish kerak?
Agar holat tez-tez takrorlansa yoki og'riq, achishish, siyishda noqulaylik kabi belgilar kuzatilsa, urolog-androlog ko'rigidan o'tish muhim.
Tashxis qanday qo'yiladi?
Tashxis uchun shifokor ko'rigi va zarur laborator hamda instrumental tekshiruvlar tavsiya etiladi. Bunga odatda umumiy va gormonal qon tahlillari, siydik-jinsiy tizim infeksiyalarini aniqlash tekshiruvlari, hamda zarurat bo'lsa prostata holatini baholovchi instrumental tekshiruvlar kiradi.
❗ Muhim eslatma
Sababini aniqlamasdan turib, o'zboshimchalik bilan davolanishga urinmang. Avval tekshiruv, keyin to'g'ri davolash!
Erkaklar salomatligidagi bunday belgilarni e'tiborsiz qoldirmang.
📨 Manba: Telegram: @eko_iksi_clinic